ՍԻՐՏ, ԱՐՅՈՒՆ, ՀԻՇՈՂՈՒԹՅՈՒՆ, ՎԱԽ, ՍՐՏՆԵՂՈՒԹՅՈՒՆ

Սիրտը, վախը, հիշողությունն ու արյունը մարդու ներքին կյանքի միասնությունն ապահավող շղթան են․ հոգեկան խռովքը կարող է մարմնանալ, իսկ մարմնի խանգարումը՝ արտահայտվել հոգեկան վիճակով։ Այս խորհուրդները ճանապարհ են՝ վերականգնելու մարդու կորցրած ներքին ուժը՝ արյան, սրտի, բույսի, մեղրի, ջրի ու ծիսական գործողության միջոցով վախը ճանաչելով, դուրս բերելով և կարգի մեջ դնելով։

1․ Վախվորածությունը և սրտնեղությունը (արդի տերմինով՝ դեպրեսիան) բուժելու համար օգտագործում էին գայլի արյունը, սիրտն ու թոքերը խորոված վիճակում ուտեցնելով ( սա առավելապես ուներ հոգեբանական նշանակություն)։

2․Սրտի հիվանդությունների դեպքում

ա) վաղինակը եփել և օրական երեք անգամ թեյի գդալով խմել։ Լավ է մեղրի հետ,

բ) ուրցով կամ ծոթրինով թեյ խմել, փոքր բաժակով, հաճախակի,

գ) տէսնը (դաղձ) ուտել օրը երկու-երեք փունջ,

դ) դարչինը, զանջափիլը, կօլնըջան, թեյի նման եփել եւ խմել։

Օգտակար է դեղն օգտագործել ողջ ամառը` հիվանդություններից խուսափելու համար։

Հիշողությունը թարմացնելու համար օգտագործել սխտորահյութ մեղրի հետ։ Ուտել առավոտ վաղ կամ քնելուց կես ժամ առաջ մի գինու բաժակի տարողության չափով։